Google ADS

Mësohet rivali i Barcelonës në finale të Kupës së Mbretit

23:02 | 28 Shkurt 2019
Arbresh Info

Barcelona ka mësuar rivalin e tyre në finale të Kupës së Mbretit.

Gjiganti katalunas arriti të sigurojë fitore me rezultat të përgjithshëm 4 me 1 kundër Real Madridit në dy ndeshjet e zhvilluara në kuadër të gjysmëfinales, shkruan portali arbresh.info.

Me triumfin tronditës 3 me 0 në Bernabeu mbrëmjen e kaluar, “Blaugranët” siguruan pjesëmarrjen në finale të këtij kompeticioni për të pestën herë rresht.

Valencia do të luaj kundër tyre në sfidën e fundit në Kupë të Mbretit.

Skuadra nën udhëheqjen e trajnerit Marcelino mposhti me rezultat të përgjithshëm 3 me 2 Real Betisin.

Ndeshja e sotme (e enjte) mes tyre përfundoi me rezultat 1 me 0 dhe Valencia siguroi kështu pjesëmarrjen në finale kundër kampionit në fuqi.

Finalja zhvillohet më 25 maj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm